Welcome to KhaingAungAung.com

Saturday, January 16, 2016

“ဇာပိုင်လုပ်လားကတ်ဖို့ လဲ”


၁၉၇၀ ပြည့်လွန် ၀န်းကျင်ကာလက ရခိုင့်တော်လှန်ရီးဂေါင်းဆောင် စာပီပညာသျှင် တက္ကသိုလ်ဆရာ နိုင်ငံရီးသုတေသီ ဆရာစံကျော်ထွန်းရေ “ငါရို့ တိ ဇာလုပ်ကတ်ဖို့ လဲ (What shall we do?”) လို့ ရခိုင်သားတိကို မီးခွန်းထုတ်ခပနာ နယ်မြီလုကျူးကျော်ဗိုလ်ကျ သူရို့ ကို ဆန့် ကျင်ရေ ဒေသခံရို့ ၏လွတ်လပ်ရီးစစ်ပွဲ (၀ါ) အမျိုးသားတော်လှန်ရီး (a war of independence of natives against alien conquerors or national revolution) ဆင်နွဲရဖို့ လို့  တိုက်တွန်းအကြံပီးခပါရေ။ အဂု ရက္ခိုင့်တပ်မတော်က ရခိုင်သမိုင်း၏ပြဌါန်းချက်အတိုင်း ရခိုင်လူမျိုး၏တောင်းဆိုချက်နန့် အညီ ရခိုင်လူမျိုး၏ဂုဏ်သိက္ခာနန့် အသက်အိုးအိမ်စည်းစိမ်ကို အကာအကွယ်ပီးလားဖို့  အမျိုးသားတော်လှန်ရီးကို ရှိတန်းကဦးဆောင်ပနာ တိုက်ပွဲဝင်နိန်ပါရေ။ သမိုင်းစိုင်ဆက် အညံ့မခံ တွန်းလှန်ပါလတ်တေ ဗမာနယ်ချဲ့ ဆန့် ကျင်တော်လှန်ရီးနန့်  ရခိုင်အမျိုးသားလွတ်မြောက်ရီးလှုပ်ရှားမှုကြီးမှာ ဘာရိန်းဘုရင် ဗိုလ်ချင်းပြန်ခေတ်ကပိုင် စစ်အင်အားအတောင့်တင်းဆုံးနန့်  သမိုင်းစာမျက်သစ်ရီးထိုးမော်ကွန်းတင်နိန်ရေ ရက္ခိုင့်တပ်မတော်နန့် လက်တွဲပနာ ရခိုင်တမျိုးသားလုံး ဗမာကျူးကျော်သူရို့ ကို ဇာပိုင်နှိမ်နင်းလားကတ်ဖို့ လဲ (How are we going to defeat Burman invaders?)။

လီကြောင်းတိုက်ခိုက်မှုတိနန့် ဓါတုလက်နက်အပါအ၀င်လက်နက်ကြီးတိကိုပါအသုံးပြုခရေ ကိုးကန့် ကို ကျူးကျော်တိုက်ခိုက်တေ ဗမာရို့ စစ်ပွဲစွာ မြန်မာနိုင်ငံလွတ်လပ်ရီးရရေအချိန်ကာလကပင် ဖြစ်ပွါးခရေစစ်ပွဲတိထဲမှာ အပြင်းထန်ဆုံးနန့် အကြီးမားဆုံးစစ်ပွဲဖြစ်တေလို့  နိုင်ငံတကာစစ်ပွဲလေ့လာရီးမဂ္ဂဇိန်းတစ်စောင်ဖြစ်တေ IHS/Jane’s Defence Weekly က မေလ ၂၀ ရက်နိန့်  ၂၀၁၅ ခုနှစ်မှာ ထောက်ပြပြောခပါရေ။ ဗမာစစ်တပ်ဖက်က ထောင်နန့် ချီပနာ အကျအရှုံးများလားခလို့  ကျင့်သုံးနိန်ကျ ဗမာလူမျိုးရေးမုန်းတီးမှုဝါဒနန့်  လောက်ကိုင်ဒေသက အပြစ်မဲ့ကိုးကန့် ပြည်သူတိကို အစုံလိုက်အပြုံလိုက် သတ်ဖြတ်ခကတ်တေ။ အဂုလေ့သော့ ရက္ခိုင့်တပ်မတော်ကို အပြတ်ချေမှုန်းလားဖို့ လို့  ထုတ်ဖော်ကြေငြာထားပနာ ဓါတုလက်နက်၊ အမြောက်တပ်တိနန့် လိုအပ်ကေ လီကြောင်းကပါတိုက်ခိုက်လားဖို့  အဆမတန်များပြားလွန်းရေ စစ်အင်အားကို ဗမာစစ်တပ်က ရခိုင်ပြည်မှာ တိုးချဲ့ချထားပြီးကေ ထိုးစစ်ဆင်လားဖို့  အဆင်သင့်လုပ်နိန်စွာကို တွိမြင်နိန်ရပါရေ။

အဂုပိုင် ရခိုင်တမျိုးသားလုံး လူမျိုးတုန်းသတ်ဖြတ်ခံလားရနိုင်ရေ အခြိမ်းခြောက်ခံနိန်ရရေကာလမှာ ဒူးထောက်အညံ့ခံပနာ လိုင်ဖင်းအလှီးခံလားကတ်ဖို့ လား မဟုတ်ကေ ရခိုင်ဆိုရေ ဗီဇသွီးအမှန်နန့်  မတရားစွာကိုလက်မခံ မမှန်စွာကိုမလုပ် မဟုတ်စွာကိုမပြောရေ အာရီယာန်သတ္တိကို ထုတ်ပြပနာ တော်လှန်တိုက်ပွဲဝင်လားကတ်ဖို့ လား ဆိုရေ ကိုယ်ပိုင်အသိနန့် ဆုံးဖြတ်ရွီးချယ်ကတ်ရဖို့ အချိန်ကို ရောက်ပါလတ်တေ။ အမျိုးသီလ နှစ်ဌါနကို စောင့်ထိန်းကတ်တေလို့  နာမတွင်ရေ ရက္ခိတရို့ ရင်ဖတ်ထဲ အသွီးအသားထဲက အမျိုးသားရီးဝါဒကို ရခိုင်ပြည်နန့် ရခိုင်တမျိုးသားလုံး လွတ်မြောက်ရီးအတွက် အေနိန့် အေကာလမှာ အသုံးမချနိုင်ကေ ရခိုင်လူမျိုးလောက်မိုက်မဲရေ လူမျိုး ဒေကမ္ဘာမြီထက်မှာ ဟိလီဖို့ မဟုတ်ပါ။ ရခိုင်ရို့ အမျိုးသားရီးဝါဒကို လက်တွိကျကျ ရှင်းမပြ၀ံ့ကေ၊ ဒေအမျိုးသားရီးဝါဒကို နှလုံးအိမ်ထဲမှာ နက်နက်ရှိုင်းရှိုင်းယုံကြည်ပနာ တိုးတက်ဖွံ့ ဖြိုးအောင်လုပ်ပြီးကေ လူမှုရီးနိုင်ငံရီးနိုးကြားမှုအသိနန့် လူသားဆန်မှုကို ပြောင်းမလားနိုင်ကေ၊ ရခိုင်ရို့ အမျိုးသားရီးဝါဒစွာ အသက်ပျောက်နိန်ရေ အသီကောင်နန့် တူနိန်လီပါဖို့ ။ သီးခြားလွတ်လပ်တေအချူပ်အခြာအာဏာပိုင် ရခိုင်အမျိုးသားနိုင်ငံတော်ကို ပြန်ပနာထူထောင်ပြီးကေ အယင်ပိုင် ကမ္ဘာ့အလယ်မှာ ၀င့်ထည်လာစီရီးဆိုရေ ရက္ခိတနိုင်ငံရီးလမ်းစိုင်ကို အသက်သွင်းမှောင်းနှင်ပီးနိန်ရေ အဓိကစွမ်းအား ငါရို့ အမျိုးသားရီးဝါဒစွာ ဇာလောက်မြင့်မြတ်ကြောင်း ကမ္ဘာ့အသိုင်းအ၀ိုင်းကို ထုတ်ပြဖို့  လိုအပ်လာနိန်စွာ အမှန်ပါ။

ရန်သူဗမာစစ်အုပ်စုရေ သူရို့ စီစိုင်ထားရေအတိုင်း စစ်ရာဇ၀တ်မှုတိကို ရခိုင်ပြည်မှာ ကျူးလွန်ပါလတ်ကေ ရခိုင်သမရခိုင်သားတိုင်းက ရောက်တေအရပ် ကျရေနိန်ရာက ရရေလက်နက်ကိုစွဲကိုင်ပနာ ရခိုင်အမျိုးသားလွတ်မြောက်ရီးလှုပ်ရှားမှုကြီးထဲကို ၀င်လာကတ်ရပါဖို့ ။ မြို့ တွင်းပြောက်ကျားစစ်ဆင်ရီးကို အခြီခံပြီးကေ အုပ်စုချေတိဖွဲ့ ပနာ ကိုယ်ပိုင်အစီအစိုင်နန့်  ရန်သူဗမာစစ်အုပ်စု အထိနာအောင် လုပ်လားသင့်ပါရေ။ ဗမာစစ်တပ်က ဖြတ်လေးဖြတ်သုံးပနာ ရခိုင်လူမျိုးကို နှိမ်နင်းလာကေ ရခိုင်ရို့ ကလေ့ ယင်းဗျူဟာအတိုင်း တန်ပြန်တိုက်ခိုက်လားသင့်ပါ ရေ။ ရခိုင်ပြည်ကို ရရောင်းသတ်အောင်လုပ်ကေ ဗမာတိနိန်ရေ တိုင်းတိလေ့ ထိန်းမနိုင်သိမ်းမရဖြစ်အောင် လုပ်လားသင့်ရေ။

နှစ်ပေါင်းနှစ်ရာကျော် ကျွန်ဖြစ်နိန်ခြင်းကလွတ်မြောက်ဖို့  မျက်မှောက်ပစ္စက္ခမှာ လူဖြစ်ရှုံး လူညွန့် တုံး လူလုံးမလှဖြစ်နိန်ခြင်းကို နိဂုံးချူပ်ဖို့  ရခိုင်သားတိ ဇာပင်လုပ်လုပ် တရားရေ။ အဆိုးဆုံးအခြေအနေကို ရင်ဆိုင်လားဖို့  သိမ်ငယ်စိတ်နန့် ကြောက်စိတ်ကို ဖယ်ရှားပနာ “ရခိုင်သားစွာ ကျွန်မဟုတ်ဝေး” ရက်ပြတ်အနှိမ်ခံ၊ အဖိနှိပ်ခံ၊ အနိုင်ကျင့်ခံ၊ ဂုတ်သွီးစုပ်ခံလားဖို့ လေ့ စာချူပ်မချူပ်ထား ဆိုစွာကို ဒေနှစ်ဆယ့်တစ်ရာစုမှာ ထုတ်ပြလီကတ်ရဖို့ စွာဗျာယ်ယေ။ ။ ။


ခိုင်အောင်အောင်
ဂျန်န၀ါရီ ၁၆ ရက် ၂၀၁၆ ခုနှစ်





Thursday, November 12, 2015

“ရခိုင့်လူထုပါဝါနန့် စစ်ရေးအာဏာ ကျယ်ပြန့် လာပါစီ”


တောင်တရုတ်ပင်လယ်ပြင်မှာ စစ်မီးတောက်လာလတ္တံ့ လို့ ဟောကိန်းထုတ်ခစွာရေ တခြားလူမဟုတ်။ The COC Theory (The Clash of Civilization Theory) လို့  ကမ္ဘာ့နိုင်ငံရေးအကြောင်းအရာတိကို လေ့လာလိုက်စားသင်ယူကတ်တေနယ်ပယ်မှာ လူသိများလွန်းရေ ဒြပ်မဲ့သီအိုရီတခုကိုချပြခရေ အမေရိကန်အမျိုးသားရေးဝါဒီ နာမေကြီးနိုင်ငံရေးသိပ္ဗံပညာသျှင်ဟားဗတ်တက္ကသိုလ်ပါမောက္ခ ဟန်တန်တွန် (Samuel P. Huntington) ပင် ဖြစ်တေ။ သူ့ ပြောဆိုချက်က ပြဿနာကို မီးခွက်ထွန်းပနာ ရှာတတ်တေ ရှုဒေါင့်အမြင်တခုလို့ သတ်မှတ်နိုင်ကေလေ့ အဂုကမ္ဘာ့နိုင်ငံရေးအခြေအနေတိအရ အင်အားကြီးနိုင်ငံရို့ ၏အမျိုးသားအကျိုးစီးပွါးတိပွန်းပဲ့ပါလတ်ကေ နိုင်ငံရေးပဋိပက္ခကို စစ်ရေးနန့် ရာဖြေရှင်းပါလတ်ကတ်တေ သမိုင်းစာမျက်နှာထက်ကို ပြန်ရောက်လားနိုင်ရေ။ ဒုတိယကမ္ဘာစစ်အလွန် တိုင်းပြည်နိုင်ငံတိမှာ ဒီမိုကရေစီထွန်းကားလာမှုကို လှိုင်းသဘောနန့် တိုင်းတာပနာ နောက်ဆုံးတတိယလှိုင်းမှာ လေဘရယ်ဒီမိုကရေစီစွာ အတက်ထက် အကျဖက်ကို ပိုများပါလတ်ဖို့ လို့  ဟောကိန်းထုတ်ပစ်ခစွာလေ့ ဒေ အမေရိကန်အမျိုးသားရေးဝါဒီကြီး ဟန်တန်တွန် ပင် ဖြစ်နိန်ရေ။

နှစ်ဆယ်ရာစုအကုန် နှစ်ဆယ့်တစ်ရာစုအ၀င်မှာ ဂလိုဘယ်လိုက်ဇေးရှန်းနန့် တတူ အနောက်ဥရောပတိုင်းပြည်တိမှာ ပေါ်ပြူလာဝါဒီတိ(Populists) လို့ ခေါ်ကတ်တေ အမျိုးသားရေးဝါဒီလက်သစ်တိ ပေါ်ပါလတ်ပနာ လေဘရယ်ဒီမိုကရေစီကို စိန်ခေါ်ပါလတ်ကတ်တေခါ ဟန်တန်တွန်ပြောစကားတိက ပြန်လို့  ခေတ်စားပါလတ်တေ။ အမေရိကန်သတင်းသမား စာရွီးဆရာ သောမ်(စ်) ဖရိုင်မန် (Thomas Friedman) ပြောခရေ လွတ်လပ်ညီမျှရေကုန်သွယ်မှုတိနန့်  ကမ္ဘာကြီးကပြားလားပနာ နိုင်ငံနယ်နမိတ်တိလေ့ပြိုကျလားရရေ ဆိုရေ အမြင်က လက်တွိနိုင်ငံရေးလောကမှာ အဂေါင်ဂေါင့်ပြိုကျနိဂုံးချူပ်လားပြီးကေ ဆွီဒင်ရို့ ပိုင် စကင်ဒီးနေဗီးယန်တိုင်းပြည်တိကတောင် သူရို့ နိုင်ငံနယ်နမိတ်ဘော်ဒါတိကို ပိတ်လာရေ။ လူသားချင်းစာနာပါရေ….ဒုက္ခသည်တိကို ကူညီရပါဖို့ ဆိုရေ အသံကောင်းဟစ်မှုတိ အဆုံးသတ်လားပနာ တရားမ၀င်ရွိပြောင်းအလုပ်သမားတိရေ သူရို့ လူ့ ဘောင်တိကို ခြိမ်းခြောက်လာနိန်ပါရေလို့ ကမ္ဘာ့မီဒီယာထက်မှာ ပြောင်ပြောလာကတ်ပါဗျာယ်။

ဆိုဗီယက်ပြည်ထောင်စုပြိုကျလားရေနောက်ပိုင်း ဒီမိုကရေစီစနစ်ကို ပြောင်းလဲကျင့်သုံးခကတ်တေ အရှိဥရောပသားတိက အဂုဆိုကေ အယင်ဘ၀ကို ပြန်လားချင်ရေ အတိတ်လွမ်းတေးခြင်းတိကိုဆိုပနာ မျက်ရီချေတိစီးလို့  ဒီမိုကရေစီကပီးရေ အငတ်ဒဏ်ကို မခံစားနိုင်ပါဗျာယ်လို့  အော်နိန်ကတ်ပါယင့်။

ပင်လုံညီလာခံကပင် အေဂု ၂၀၁၅ ရွီးကောက်ပွဲလွန်ကာလကို ပြည်ထောင်စုဝါဒီရို့ က သွီးစစ်တေတန်းတူရေးအတွက် စစ်မှန်ရေဖယ်ဒရယ်ပြည်ထောင်စုပေါ်ထွန်းရေးသမိုင်းလို့  တင်စားပြောဆိုနိန်ကတ်ကေလေ့ တခြားတဖက်ကကြည့်ကေ အေချင့်စွာ လက်တွိမှာအကောင်အထည်မပေါ်လာရေ နိုင်ငံရေးပုံစံတခုဖြတ်သန်းခြင်းလို့ ပြောရပါဖို့ ။ အလုပ်မဖြစ် ပျက်လားခရရေ ဖယ်ဒရယ်စနစ် (Defunct federalism) ဆိုကေ ပိုမှန်နိန်ဖို့ ထင်ရေ။

ဗမာကတော့ကေ သူ့ လမ်းကြောင်းအတိုင်း တစိုက်မတ်မတ်လားပါလတ်တေ။ ဗမာအာဏာကို ဗမာကပြန်ယူပနာ ဗမာအချူပ်အခြာအာဏာပိုင်နိုင်ငံတော်ထူထောင်ရေးဆိုရေ လမ်းစိုင်ကို ၁၉၃၀ ကျော် ၀န်းကျင်ကာလလောက်ကပင် ချမှတ်လာပြီးကေ ဂနိကာလထိ အကောင်အထည်ဖော်ဆုပ်ကိုင်ထား လာနိုင်ရေ။ အများကမျှော်မှန်းထားခကတ်တေ ၂၀၁၅ ရွီးကောက်ပွဲအလွန်မှာ သန်းပေါင်း ငါးဆယ်ကျော်၏အကျိုးတရားကိုဖြစ်ထွန်းစီဖို့  နိုင်ငံရေးအပြောင်းအလဲထက် ဗမာပါတီဖြစ်တေ အမျိုးသားဒီမိုကရေစီအဖွဲ့ ချူပ်က ဗမာအာဏာကိုထူထောင်ပနာ ဗမာကရာ အရာအားလုံးကိုချူပ်ကိုင်လားဖို့  နိုင်ငံရေးအခြင်းအရာတိကို လှမ်းမြင်လာရရေ။ သယံဇာတအကျိုးအမြတ်ခွဲဝီပီးရေး၊ ဗဟိုထိန်းချူပ်မှုကိုဖြိုဖျက်ပနာ အာဏာကိုခွဲဝီကျင့်သုံးရေးနန့် မတူကွဲပြားရေလူမျိုးတိကြားမှာ တန်းတူညီမျှမှုကို တည်ဆောက်လားနိုင်ဖို့  မျှော်လင့်ချက်တိက ရီခဲတောင်ကြီးအရည်ပျော်ကျလားရေပိုင် လုံးပါးပါး ပါလတ်တေ။

ဒေပိုင်ကာလမှာ အဆိုးဆုံးကို ရင်ဆိုင်ဖြေရှင်းလားဖို့  ရခိုင်ပြည်သားရို့  ဇာလုပ်သင့်ပါလဲ။ လူထုပါဝါကို ကျယ်ပြန့် စီပနာ စစ်ရေးအာဏာညီမျှအောင်လုပ်လားခြင်းကရာ အကောင်းဆုံးမဟာဗျူဟာနန့် လမ်းစိုင်တခုလို့ ထင်မိပါယင့်။


ခိုင်အောင်အောင်
နိုဝင်ဘာလ ၁၂ ရက် ၂၀၁၅ ခုနှစ်

Sunday, October 4, 2015

“ကျွန်ဖြစ်နိန်ရခြင်းဒုက္ခက ကင်းလွတ်ချင်ကေ”

လူ့ ယိုင်ကျေးမှုပြန့် ပွါးရေး (Civilizing Mission) ဆိုရေ မူဝါဒနန့်  အင်္ဂလိပ်ရို့ ကိုလိုနီလုပ်ထားရေ ကာလက အိန္ဒိယတိုက်ကြီးမှာ လူဦးရေ သန်းလေးရာ ဟိပြီးကေ အင်္ဂလိပ်က လူ သုံးထောင်ရာဟိရေ။ ယင်းအတွက်နန့်  မဟတ္တမဂန္ဒီက နိုင်ငံခြားကပညာသင်ပြီးကေ အိန္ဒိယကို ပြန်လာရေခါ “အင်္ဂလိပ်သုံးထောင်က အိန္ဒိယတိုက်သား သန်းလေးရာကို ဇာပိုင်ပင်လေ့ အုပ်ချူပ်ပနာ ဂုတ်သွီးစုပ်ထားနိုင်စွာလဲ” ဆိုရေ မိန်းခွန်းကို အံ့သြတကြီးနန့်  မိန်းနိန်ခရေ။

လူဦးရေ ဇာလောက်ပင်များများ အမျိုးသားနိုင်ငံရေးနိုးကြားမှုမဟိကေ ကျွန်ဖြစ်လားတတ်တေ။ တခုကိုလေ့မစိုင်းစား တယောက်ကိုလေ့ လူမထင်၊ ကိုယ့်နိုင်ငံကိုချစ်ရကောင်းမှန်းမသိ၊ ကိုယ့်လူမျိုးကိုတန်ဖိုးထားရကောင်းမှန်းမသိ၊ ကိုယ်ရို့ အချူပ်အခြာအာဏာကို ကာကွယ်စောင့်ရှောက်ထားရကောင်းမှန်းမသိ၊ ငါထမင်းဝကေကျီဗျာယ် ငါကောင်းစား ရေးအဓိကဆိုရေ ကိုယ်လွတ်ရုန်းတတ်တေ အခွင့်အရေးသမားတိ လူ့ အဖွဲ့ အစည်းထဲမှာ များလာခြင်း၏ အကျိုးဆက်က ယိုင်ကျေးမှုရှိကျလွန်းရေ အိန္ဒိယတိုက်စွာ ညဇာကမွီးလို့ လူဖြစ်ပါလတ်တေ အင်္ဂလိပ်ဘားမှာ ကျွန်ဖြစ်လားခရရေ။ ငါ့အတ္တကို ရှိတန်းတင်ခပနာ တိုင်းရေးပြည်ရေးကိုနောက်မှာထားခမိလို့  ကမ္ဘာမှာ လူဦးရေအများဆုံး တရုတ်တိစွာ ဘိန်းစားတိဖြစ်လားခရရေ။ လောဘကြီးရေလူတိ အလိမ်ခံရတတ်တေပိုင် ဗုဒ္ဓဘုရား ဟောကြားခရေအတိုင်း “မိမိကိုယ်သာ ကိုးကွယ်အားထားရာ” ဆိုရေ မူဝါဒကို လက်ကိုင်မထားနိုင်ကေ လူများနောက်လိုက် ကျွန်သဘောက်ဖြစ်တတ်တေ။

နိုင်ငံရေးအသိတရားရပြီးကေ ဥာဏ်အလင်းပွင့်လာကတ်စွာနန့် လွတ်လပ်တေ တိုင်းပြည်တိဖြစ်ပါလတ်ကတ်တေ။ လူအချင်းချင်း ဂုတ်သွီးစုပ်ချယ်လှယ်ခြင်းစွာ မလုပ်သင့်မလုပ်အပ်တေအရာ လူသားမျိုးနွယ်ကြီးတခုလုံးကို နိုင်ထက်စီးနင်းစော်ကားရေပြစ်မှုကြီးလို့ သတ်မှတ်ပနာ ကိုလိုနီကျွန်စနစ်ဆိုးကိုဖျက်သိမ်းခြင်းဆိုရေ နိုင်ငံတကာဥပဒေတိ ပြဌါန်းကျင့်သုံးပါလတ်ကတ်တေ။ လူမျိုးတစ်မျိုးက တခြားလူမျိုးတစ်မျိုးကို နယ်ချဲ့ ကျူးကျော်ကိုလိုနီလုပ် ဂုတ်သွီးစုပ်လာကေ ဖိနှိပ်ခံလူမျိုးက ရရေလက်နက်ကို ကိုင်စွဲပနာ ဆန့် ကျင်တော်လှန်ခြင်းစွာ လူ့ ကျင့်ဝတ်အရ တရားမျှတမြင့်မြတ်တေလုပ်ဆောင်ချက်လို့  ယိုင်ကျေးရေကမ္ဘာ့အသိုင်းအ၀ိုင်းက လက်ခံပါလတ်ကတ်တေ။

ကိုလိုနီစနစ်နိဂုံးချူပ်လားရခြင်းနန့် ပတ်သက်လို့  မျက်မှောက်ခေတ်သမိုင်းပညာရှင် နေးဖာဂူဆန် (Neil Ferguson) က သူ့ စာအုပ်ဖြစ်တေ “Empire: How Britain Made the Modern World” မှာ “လက်နက်စွဲကိုင်တော်လှန်ခကတ်တေ အမျိုးသားလွတ်မြောက်ရေးဂေါင်းဆောင်တိ၏ကိုယ်ကျိုးစွန့် ကြိုးပမ်း အားထုတ်မှုကြောင့်မဟုတ်ပဲ လန်ဒန်နန့် ပါရီမြို့ ကနိန် ကိုလိုနီနယ်ချဲ့ ရို့ က သူရို့ မလိုချင်လို့ ကိုလိုနီနယ်မြီတိကို လက်လွှတ်ပီးလိုက်လို့ ရာ ကိုလိုနီစနစ်ပျက်သိမ်းလားခြင်းဖြစ်တေ” လို့ ပြောရေ။ နီယိုလေဘရယ်ဝါဒနန့်  ဥရောပသားကြီးစိုးရေးကို လက်ကိုင်ထားရေ ဖာဂူဆန်က အင်္ဂလိပ်နယ်ချဲ့ ရို့ ကိုလိုနီလုပ်ခြင်းကြောင့် လွတ်လပ်တေဈီးကွက်စီးပွါးရေးစနစ်၊ တရားဥပဒေစိုးမိုးခြင်းနန့်  ကိုယ်စားပြုအစိုးရ စရေ လေဘရယ်တန်ဖိုးတိ ပြန့် ကားလားရေလို့  ချဲ့ ကားပြောပြန်သိမ့်ရေ။ နေးဖာဂူဆန်အမြင်နန့် လုံးဝဆန့် ကျင်ဖက်သဘောတရားဟိရေ လက်ဝဲ၀ါဒီ ကမ္ဘာ့ကျော်သမိုင်းပညာရှင်ကြီး အဲရေခ့်ဟော့စဘွင်မ် (Eric Hobsbawm) က သူရွီးရေ စာအုပ် “The Age of Empire” မှာ ဗြိတိသျှအင်ပါယာကြီးနိဂုံးချူပ်လားရခြင်းစွာ အဖိနှိပ်ခံလူထုရေ နိုင်ငံရေးနိုးကြားပါလတ်ပနာ တော်လှန်ရေး သဘောတရားတိ လူထုကြားထဲကို စိမ့်ဝင်စီးဆင်းလားခလို့ ပင် ဖြစ်တေလို့  ထောက်ပြပြောဆိုရေ။

ကိုလိုနီစနစ်ဆိုးကျရှုံးလားရခြင်းသမိုင်းဖြစ်စိုဉ်အမှန်ကို လေ့လာကြည့်လိုက်ကေ ပထမနန့် ဒုတိယကမ္ဘာစစ်မှာ ဥရောပသား ရို့ ၏ကိုလိုနီအင်ပါယာထဲက အာဖရိကန်နန့် အာသျှသားရို့ စွာ မဟာမိတ်အဖွဲ့ လို့ နာမေတပ်ထားရေ အင်္ဂလိပ်ရို့ ဖက်က စစ်ရေးတာဝန်ကိုထမ်းဆောင်ပနာ ၀င်တိုက်ပီးခရရေ။ ဥရောပစစ်မြီပြင်မှာ ဥရောပတိုက်သားအဖြူတိ သန်းချီပြီးကေသီကတ် ဒုက္ခရောက်ကတ်စွာကို မြင်လာကတ်ရရေခါ အစခါ အရှင်သခင်တန်ခိုးရှင်တိလို့  ယူဆခကတ်တေ မော်လို့ တောင်မကြည့်ဝံ့ခရေ အဖြူတိလေ့လူရာ သတ်ကေသီရေဝေး ဆိုရေ မျက်မြင်ကိုယ်တွိနိုင်ငံရေးအသိတိ အာဖရိကန်ရို့  အာသျှသားရို့ ရပါလတ်ကတ်တေ။ စစ်ရေးအတွိအကြုံ၊ စစ်ပညာနန့်  စစ်စွမ်းရည်တိပြည့်လာပနာ ကိုယ့်တိုင်းပြည်ကိုပြန်လာကတ်တေခါ ကိုယ်ပိုင်တော်လှန်ရေးစစ်တပ်တိကို ထူထောင်လာနိုင်ခြင်းက ကိုလိုနီစနစ်ဆိုးကို အဆုံးသတ်နိဂုံးချူပ်ပီးနိုင်ရေ လက်နက် ဖြစ်ပါလတ်တေ။ ယင်းအတွက်နန့်  အိန္ဒိယရို့ လွတ်လပ်ရေးရလာခြင်းကို ဘက်မလိုက်ပဲ ဓမ္မဒိဋ္ဌာန်ကျကျလေ့လာကတ်တေ နိုင်ငံရေးသိပ္ပံပညာရှင်တိက “အိန္ဒိယတိုက်ကြီးလွတ်လပ်ရေးရလာစွာရေ ဂန္ဒီ၏အကြမ်းမဖက်လှုပ်ရှားမှုထက် အိန္ဒိယအမျိုးသားကွန်ကရက်ပါတီ၏နိုင်ငံရေးစွမ်းဆောင်ရည်က အခရာကျရေ” လို့ ထောက်ပြပြောဆို ကတ်တေ။ ၁၈၈၅ ခုနှစ်မှာ ဖွဲ့ စည်းထူထောင်ခရေ အိန္ဒိယအမျိုးသားကွန်ကရက်ပါတီမှာ အမြဲတမ်းအဖွဲ့ ဝင် ၁၅ သန်းဟိပြီးကေ အရံအဖွဲ့ ဝင်ပေါင်း သန်း ၇၀ ဟိခရေ။ စစ်စွမ်းရည်ပြည့်ရေ အသီခံတိုက်ပွဲဝင် ရဲဘော်ပေါင်း သိန်းချီပြီးကေ ဟိနိန်ရေခါ ဒုတိယကမ္ဘာစစ်ပြီးလို့  အင်္ဂလိပ်က အယင်ပိုင် အိန္ဒိယကို လားပနာ ကိုလိုနီလုပ် အုပ်ချူပ်ကေ နာရီပိုင်းအတွင်းမှာ အရိုးနန့် အရီတောင်ရှာလို့ မရအသတ်ခံရနိုင်ရေ အဖြစ်ဆိုးမျိုး ကြုံလာဖို့ စွာကိုကြို မြင်လို့  လွတ်လပ်ရေးပီးလိုက်ရရေ။

ယင်းအတွက်နန့်  ကမ္ဘာကျော် ကိုလိုနီစနစ်ဆန့် ကျင်ရေးစာရွီးဆရာတစ်ယောက်ဖြစ်တေ စိတ်ဆရာဝန်ဖရန့် ဖနွန် (Frantz Fanon) က “လက်နက်နန့် အကြမ်းဖက်သတ်ဖြတ်ပနာ ကိုလိုနီလုပ် ကျွန်ပြုထားခြင်းဖြစ်လို့  လက်နက်နန့် အကြမ်းဖက်ဆန့် ကျင်တော်လှန်ပနာ ကိုယ့်ရို့ ပိုင်ရေ အချူပ်အခြာအာဏာကို ယူရရေ။ ကျွန်ဖြစ်နိန်ရရေဒုက္ခကို အကြမ်းမဖက် ငြိမ်းချမ်းရေး နိုင်ငံရေးနည်းနန့် လားပနာ ဖြေရှင်းဖို့ ကြိုးစားကေ ကိုလိုနီနယ်ချဲ့ ရို့ ၏အချိန်ဆွဲခြင်းကိုခံရပြီးကေ အကြီးအကျယ်အလိမ်ခံရနိုင်ရေ” လို့  သူ့ စာအုပ်တိဖြစ်တေ “A Dying Colonialism” နန့်  “The Wretched of the Earth” မှာ ထောက်ပြထားရေ။

အင်အားကြီးမားပြီးကေ လက်ရုံးရည် နှလုံးရည် စိတ်ဓါတ်စွမ်းရည်ပြည့်ရေ ခေတ်မီစစ်တပ်ဟိလာခါမှရာ အမျိုးသားလွတ်မြောက်တော်လှန်ရေးကို လက်တွိကျကျ အကောင်အထည်ဖော်တိုက်ပွဲဝင်လာနိုင်ပြီးကေ ကျွန်ဖြစ်နိန်ရခြင်းဒုက္ခက ချက်ချင်းလွတ်ကင်းအောင် လုပ်ဆောင်လာနိုင်ပါကြောင်း ပြောယင်း ဒေဆောင်းပါးကို နိဂုံးချူပ်လိုက်ရပါရေ။ ။ ။

Tuesday, August 11, 2015

“ရခိုင်ပြည်ထဲက ဆင်းရဲမွဲတေမှုနန့် ဒုက္ခပေါင်းစုံကို ဇာပိုင်တိုက်ဖျက်လားကတ်ဖို့ လဲ”

ဒေ ၂၀၁၅ နှစ် စက်တင်ဘာလ ၂၅ ရက်နိန့် မှာ နိုင်ငံပေါင်း ၁၇၀ က အစိုးရဂေါင်းဆောင်တိ တက်ရောက် လာကတ်ဖို့  ကမ္ဘာ့ထိပ်သီးရို့ တွိဆုံဆွေးနွေးပွဲကြီးတခုကို ကမ္ဘာ့ကုလသမဂ္ဂအဖွဲ့ ချူပ်ကြီးကဦးဆောင်ပနာ ကျင်းပလားဖို့ ဟိနိန်ပါရေ။ အဓိကဆွေးနွေးလားကတ်ဖို့ အကြောင်းအရာက တာရှည်ခိုင်ခန့် ရေတိုးတက်ရေး ပန်းတိုင်တိ (Sustainable Development Goals) ကို ချမှတ်ကျင့်သုံးပြီးကေ ကမ္ဘာ့ရွာထဲက ဆင်းရဲမွဲတေမှု ကို တိုက်ဖျက်လားရေးပင် ဖြစ်တေ။ လာဖို့  သက္ကရာဇ် ၂၀၃၀ မှာ ဆိုးရွားလွန်းရေဆင်းရဲမွဲတေမှုတိကို အပြီး တိုင်အဆုံးသတ်လားနိုင်ဖို့  မျှော်မှန်းချက်နန့်  ဥပဒေတိပြဌါန်းပနာစီမံကိန်းတိရီးဆွဲအကောင်အထည်ဖော် လားကတ်ဖို့  ဒေအစီအစိုင်ကြီးက စိတ်ဝင်စားဖို့ ကောင်းရေပိုင် ဆင်းရဲတွင်းနက်နိန်ကတ်ရရေ ကမ္ဘာ့ ဆင်းရဲသားနင်းပြားကုန်းရီစုတ်ရို့  အတွက်လေ့ အေကိစ္စစွာ စိတ်ကူးယိုင်အားကိုးချင်စရာ မက်လုံးတခု ဖြစ်လာစွာ အမှန်ပါ။ ယေကေလေ့ အေပေါ်လဆီကို လက်တွိအကောင်အထည်ဖော်လာကတ်တေခါ အကောင့်ပင်လေ့ လာဖို့  ၂၀၃၀ ခုနှစ်မှာ ကမ္ဘာ့ရွာထဲက ဆင်းရဲတွင်းနက်နိန်မှုတိ ပပျောက်လားပနာ လူတိုင်းစွာ ရီခဲတိုက်တာတိဝယ်နိုင် အစားအသောက်ကောင်းတိစားနိုင်ပြီးကေ ၀င်ငွေတိလေ့မြင့်လာ ကတ်အောင်လုပ်လားဖို့  ဆိုစွာက လေ့လာဆန်းစစ်ကြည့်ဖို့ ကောင်းရေ အကြောင်းအရာ တခုဖြစ်ပါ လတ်ပါရေ။


ကုလသမဂ္ဂတိုးတက်ရေးအစီအစိုင် (UNDP) က ချမှတ်ကျင့်သုံးခရေ ထောင်စုနှစ်တိုးတက်ရေးပန်းတိုင်တိ (Millennium Development Goals) စီမံချက်နန့်  ၂၀၁၅ မှာ ကမ္ဘာ့ဆင်းရဲမွဲတေမှု၏တ၀က်တိတိ ကိုလျှော့ချရေးစွာ ငါးနှစ်မတိုင်ခင် ၂၀၁၀ မှာ ပြည့်မှီလားခရေလို့  အစီရင်ခံစာတိမှာ ဖော်ပြကတ်ကေလေ့ လက်တွိမှာ ဒေစီမံကိန်းကြီး အကောင်အထည်မဖော်နိုင်လို့ အဂုပိုင် စီမံချက်အသစ် ရွီးဆွဲနိုင်ဖို့ ပြင်ဆင်လာ ကတ်ရခြင်းပင် ဖြစ်ပါရေ။ ကမ္ဘာလုံးဆိုင်ရာဆင်းရဲမွဲတေမှုသမိုင်းကြောင်းကို လေ့လာကြည့်ရကေ ၁၉၉၀ ခုနှစ်မှာ ကမ္ဘာ့လူဦးရေ၏ ၃၆% ရာခိုင်နှုန်းစွာ ဆင်းရဲမွဲတေမှုနွံနစ်နိန်ခရစွာရေ ၂၀၁၀ မှာ ၁၈% ရာခိုင်နှုန်းရာကျန်လိုက်တေလို့  ကမ္ဘာ့ဘဏ်က သတင်းထုတ်ပြန်ထားစွာကို လားတွိရပါရေ။ တရုတ်ပြည်သူ့ သမ္မတနိုင်ငံကြီး စီးပွါးရေးဖွံ့ ဖြိုးတိုးတက်လာခြင်းကြောင့် တရုတ်လူမျိုးသန်းပေါင်း ၂၅၀ လောက် ဆင်းရဲမွဲတေမှုနွံထဲက လွတ်မြောက်လာခြင်းစွာ အဂုပိုင် ကမ္ဘာ့ဆင်းရဲမွဲတေမှုလျော့ကျ လားရခြင်း၏အဓိကအကြောင်းရင်း တခုဖြစ်နိန်ရေလို့  နိုင်ငံတကာအသိုင်းအ၀ိုင်းနန့် အဖွဲ့ အစည်းတိက ထောက်ပြပြောဆိုကတ်ပါရေ။ တရုတ်ပြည်မှာ အဂုပိုင် ဆင်းရဲမွဲတေမှုပြဿနာကို ဖြေရှင်းလာနိုင်ခြင်းစွာရေ ပြင်ပအကူအညီ (External Aid) ကြောင့်မဟုတ်ပဲ တရုတ်အစိုးရ၏တာဝန်ယူမှုနန့်  တရုတ်တိကိုယ်တိုင် ရုန်းထကြိုးစားမှုတိကြောင့်ပင်ဖြစ်တေ ဆိုစွာက တယောက်ချေလေ့ မငြင်းနိုင်ရေ အချက်တခုဖြစ်နိန်ပါရေ။


ကုလသမဂ္ဂတိုးတက်ရေးအစီအစိုင်က ထုတ်ပြန်ထားရေ ၂၀၁၄ ခုနှစ်စာရင်းအင်းအနှစ်ချူပ်မှတ်တမ်းတိအရ ရခိုင်ပြည်ရေ မြန်မာနိုင်ငံ၏ဒုတိယအဆင်းရဲဆုံးပြည်နယ်ဖြစ်နိန်ပနာ ကမ္ဘာ့ဆင်းရဲမွဲတေမှုတိုင်းတာချက် စံနှုန်းအရ လူဦးရေ၏ ၇၉% ရာခိုင်နှုန်းစွာ ဆင်းရဲတွင်းနက်နိန်ကတ်ရရေလို့ ပြောပါရေ။ အေသူရို့ ၏ သုတေသနစစ်တမ်းတိအရဆိုကေ ရခိုင်ပြည်နန့် ရခိုင်လူထုစွာ ကမ္ဘာမှာအဆင်းရဲဆုံး လို့ သတ်မှတ်ခံ ထားရရေ ဆာဟာရအာဖရိကနိုင်ငံတိက လူမျိုးတိထက် ဆင်းရဲနိန်စွာကို လားတွိရပါရေ။ အဂုပိုင် ဆင်းရဲတွင်းနက်နိန်ရရေ အချိန်မှာ သဘာဝရီဘေးဒဏ်ကပါ ဒုက္ခထပ်ဖို့ ပီးလာလို့  ရခိုင်ပြည်နန့်  ရခိုင်လူထုအခြေအနေက သီရေးရှင်ရေးအရေးပေါ်ကယ်ဆယ်လားရဖို့ ကာလတခုကို ရောက်လားခရပါရေ။
သီလားခဗျာယ်ဖြစ် တေ တောင်အာဖရိကလူမဲဂေါင်းဆောင်ကြီး နယ်လ်ဆင်မန်ဒဲလား က “ဆင်းရဲမွဲတေမှုကို လူတိကလုပ်ထားခြင်း ဖြစ်တေ” (Poverty is man-made.) ဆိုရေ ကမ္ဘာကျော်စကားတစ်ခွန်းကို ပြောခပနာ ဒေဆင်းရဲမွဲတေမှု ကို ကျော်လွှားလားနိုင်ဖို့  တရားမျှတရေလုပ်ဆောင်ချက် (An act of justice) လိုအပ်တေလို့  သူက အကြံပြုခပါရေ။ ဆင်းရဲမွဲတေမှုကိုတိုက်ဖျက်လားဖို့  ချမ်းသာဖွံ့ ဖြိုးပြီးသားတိုင်းပြည်တိ နန့် နိုင်ငံတကာ အန်ဂျီအို အဖွဲ့ အစည်းတိက အကူအညီပီးလားရဖို့ လို့  တချို့ ကထောက်ပြပြောဆို ကတ်တေပိုင် နောက်တတိုင်ကတော့ကေ ဆင်းရဲမွဲတေနိန်ရစွာရေ လူတိ၏တိုးတက်ချင်စိတ်မဟိ အလုပ်မလုပ်ချင်ရေ ပျင်းရိမှုကြောင့်ဖြစ်လာရစွာဖြစ်လို့  လူတိစွာ အလုပ်တိအများကြီးလုပ်ရဖို့  မိမိ၏ဘ၀တက်လမ်းတိကို ရှာရဖို့ လို့  အကြံပြုကတ်ပါရေ။


ရခိုင်ပြည်နန့် ရခိုင်လူထုကို ဒုက္ခပေါင်းစုံနန့် ဆင်းရဲတွင်းထဲမှာ နစ်မြှပ်နိန်စီရေ အဓိကအကြောင်းရင်းတခုက ခွဲခြားဆက်ဆံရေ ဖြန့် ဝီပီးမှု (Discriminatory Redistribution) ကို အစိုးရပေါ်လဆီတစ်ရပ်အဖြစ် ကျင့်သုံးနိန်ခြင်းပင် ဖြစ်ပါရေ။ ရခိုင်ပြည်က သဘာဝဓါတ်ငွိ၊ ရီနံနန့် တခြားထုတ်ကုန်ပစ္စည်းတိ ရောင်းချခြင်းကရလာရေ၀င်ငွေစွာ မြန်မာတနိုင်ငံလုံးဂျီဒီပီ၏ သုံးဆယ့်ငါးရာခိုင်နှုန်းခန့် ဟိနိန်ကေလေ့ ရခိုင်ပြည်နန့် ရခိုင်လူထုဘ၀ တိုးတက်ရေးအတွက် ပြန်ဝီမျှပီးစွာက တစ်ရာခိုင်နှုန်းတောင်မဟိစွာကို တွိလာရပါရေ။ ဒေပိုင် ခွဲခြားဆက်ဆံဖြန့် ဝီပီးမှုကို ပြည်တွင်းကိုလိုနီလုပ်ခြင်း (Internal Colonization) နန့်  ဒေသဆိုင်ရာဂုတ်သွီးစုပ်ခြင်း (Regional Exploitation) လို့ လဲ ခေါ်ဝေါ်ပြောဆိုကတ်ပါသိမ့်ရေ။ ရခိုင်ပြည်က ရသမျှအကျိုးအမြတ်ကို ပြည်ထောင်စုအစိုးရက စုပ်ယူလားပြီးကေ ရသင့်ရထိုက်တေ ၀ီစုကို ပြန်မပီးခြင်းကြောင့် ရခိုင်ပြည်ရေ မြန်မာနိုင်ငံ၏ဒုတိယအဆင်းရဲဆုံးပြည်နယ်တခု ဖြစ်ပါလတ်ရပါရေ။


ရခိုင်ပြည်ထဲက ဆင်းရဲမွဲတေမှုနန့် ဒုက္ခပေါင်းစုံကို တိုက်ဖျက်လားဖို့  ပြည်ထောင်စုပြည်နယ်အစိုးရတိ နန့် အရပ်ဖက်လူ့ ဘောင်အဖွဲ့ အစည်းတိက ဆင်းရဲသားနင်းပြားရို့ ဘားကို စီးပွါးရေးရင်းမြစ်၊ လူမှုရေးအရအကျိုးခံစားပိုင်ခွင့်နန့် နိုင်ငံရေးအခွင့်အရေးတိကို မျှဝီပီးလားနိုင်ဖို့  တိုက်ရိုက်လုပ်ဆောင်ချက်တိ လိုအပ်လာပါရေ။ အရေးပေါ်ကယ်ဆယ်ရေးနန့် ပြန်လည်ထူထောင်ရေး စီမံကိန်းတိရွီးဆွဲပြီးကေ နိုင်ငံတော်ဘဏ္ဍာငွေကို အလုံအရင်းနန့် သုံးစွဲပနာ ဒေသခံရခိုင်ရို့ ကို လုပ်ပိုင်ခွင့်အာဏာတိပီးလားဖို့ က အဓိကကျပါရေ။ ရေရှည်မှာ အသေးစားနန့် အလတ်စားစီးပွါးရေး လုပ်ငန်းတိကိုပါ ထူထောင်လာနိုင်ဖို့  အစိုးရက ဘဏ္ဍာငွေတစ်ရပ်ထူထောင်ပနာ အတိုးနှုန်းအနည်းချေနန့်  ချီးငွေတိ ချပီးလားသင့်ပါရေ။


တရားမျှတ တန်းတူရေးပြည့်ဝပနာ ငြိမ်းချမ်းရေ ဖယ်ဒရယ်ဒီမိုကရက်တစ်လူ့ ဘောင်ထူထောင်ဖို့  ခွဲခြားဆက်ဆံဖြန့် ဝီပီးမှုပိုင် ဒေသတွင်းဂုတ်သွီးစုပ်မှုနန့် ပြည်တွင်းကိုလိုနီလုပ်ခြင်းကို အယင်ဆုံးရပ်တန့် အဆုံးသတ်လားဖို့  လိုအပ်လာပါရေ။ ဒေပိုင် အစိုးရ၏မတရားရေပေါ်လဆီကို နိဂုံးချူပ်လားနိုင်ဖို့  နိုင်ငံရေးပါတီတိ၊ လူမှုကယ်ဆယ်ရေးပရဟိတအဖွဲ့ တိနန့်  အရပ်ဖက်လူမှု အသိုင်းအ၀ိုင်းတိက တက်ညီလက်ညီနန့် နိုင်ငံရေးဖိအား ပီးလားဖို့ လိုအပ်ပါလတ်စွာကအမှန်ပါ။



Saturday, May 9, 2015

“ယိုင်ကျေးမှုစစ်ပွဲ” (The Culture War)





နိုင်ငံရေးစနစ်ဆိုစွာရေ လူ့ အဖွဲ့ အစည်း၏ထုတ်ကုန်တခု ဖြစ်တေ။ ယင်းအတွက်နန့်  နိုင်ငံရေးယိုင်ကျေးမှုကို နားလည်ချင်ကေ နိုင်ငံရေးစနစ်နန့် လူ့ အဖွဲ့ အစည်းကြားက ဆက်နွယ်မှုကို လားကြည့်ရတောင်မကသိမ့်လို့  ဒေအဓိကအစိတ်အပိုင်းကြီးနှစ်ခုကိုပါ ပေါင်းစပ်လေ့လာရရေ။


လူပြောသူပြောများပါလတ်တေ စကားချေတခွန်းက စစ်စနစ်ကြောင့် စစ်အုပ်ချူပ်ရေးကြောင့်ရာ အေပိုင်ဆင်းရဲမွဲတေဒုက္ခရောက်နိန်ကတ်ရရေ.....လူမှုပဋိပက္ခ စီးပွါးရေးအကျပ်အတည်းနန့် နိုင်ငံရေးပြဿနာတိဖြစ်နိန်ရရေ။ အေချင့်စွာ သန်းနှစ်ဆယ်လောက်ဟိရေ ဗမာတိုင်းရင်းသားလူမျိုးနန့် တခုလေ့မဆိုင်ဆိုရေ ဆင်ခြီပီးမှုပင် ဖြစ်တေ။ အင်္ဂါဂြိုလ်သားတိက လာချပီးထားရေပိုင် မြီကြီးထက်က သဘာဝအတိုင်းပေါက်လာရေပိုင် ဗမာစစ်စနစ်ကို အဓိပ္ဗါယ်ဖွင့်မှားနိန်ကတ်ခြင်းက နှစ်ပေါင်းခြောက်ဆယ်ကျော်လာရေ ပြည်တွင်းစစ်ကြီးကို အဖြေရှာလို့ မရအောင် တမင်တကာဖုံးဖိလုပ်ထားစွာနန့် တူနိန်ရေ။


စနစ်ဆိုးကြောင့် ဖြစ်နိန်ရရေ... ယင်းအတွက်နန့်  စနစ်ကောင်း ပြောင်းနိုင်ကေ ဒေပြဿနာတိအားလုံးလေ့ ဖြေရှင်းပြီးသား ဖြစ်လားဖို့ ဆိုရေ မျှော်လင့်ချက်တိ ယုံကြည်မှုတိ ချပီးလာကတ်တေ။ ၈၈ ကပင် ချပီးလာကတ်တေ နိုင်ငံရေးမက်လုံးတခုက ဒီမိုကရေစီရကေ လူ့ အခွင့်အရေးပြည့်ဝ ငြိမ်းချမ်းရေဘ၀ကိုရလာကတ်ပါဖို့  ဆိုရေ မြူဆွယ်မှုပင် ဖြစ်တေ။ ယေကေလေ့ အချိန်ကာလက တရားသူကြီးလုပ်ပနာ အမှန်တရားကိုချပြဆုံးဖြတ်တေ ဆိုရေပိုင် ဗမာတိပြောနိန်ရေ ကျန်ရေလူတိပါ ဘုမသိဘမသိ လိုက်ပြောနိန်ကတ်တေ ဒီမိုကရေစီက နှစ်ပေါင်းခြောက်ဆယ်ကျော်သက်တမ်းဟိလာရေ အနာကို ပျောက်အောင် ကုသနိုင်ဖို့  ဆီးစွမ်းကောင်းတလက်ဖြစ်မလာပါ။ အနာတခြား ဆီးတခြား အချိန်ကုန်လားစွာရာ အဖတ်တင်ပါလတ်တေ။


ခြောက်နာရီ ခြောက်ရက် ခြောက်လ ခြောက်နှစ်မဟုတ် နှစ်ပေါင်းခြောက်ဆယ်ကျော်ဖြစ်လာရရေ ဒေပြည်တွင်းစစ်.....တဖက်မှာ ဗမာမဟုတ်တေ တိုင်းရင်းသားလူမျိုးရို့ က တန်းတူရေး ကိုယ့်ပိုင်ပြဌါန်းခွင့်နန့် ဒီမိုကရေစီပြည့်ဝရေ ဖယ်ဒရယ်ပြည်ထောင်စုတည်ဆောက်ပနာ တတူနိန်လားကတ်ဖို့ လို့  တောင်းဆိုနိန်ကတ်တေ။ အာဏာရဗမာတိကတော့ကေ အေတောင်းဆိုမှုကို လုံးဝလက်မခံ နိုင်ငံရေးအာဏာကို ၀ီစားမျှစားမလုပ်နိုင်.. ငြိမ်းချမ်းရေးနန့် တရားမျှတမှုစွာ တိုင်းရင်းသားတိနန့် မဆိုင်... နိုင်ငံရေးအခွင့်အရေးအားလုံးကို ဗမာကရာ လက်ဝါးကြီးအုပ် ဂုတ်သွီးစုပ်ပနာ အခွင့်ထူးခံစားလားဖို့ ဆိုရေ ဗမာလမ်းစိုဉ်နန့် လားနိန်ရေ။ အဂုပိုင် ဆန့် ကျင်ဖက် မျဉ်းပြိုင်နှစ်ခုပိုင် မတူရေလမ်းကို လားနိန်ကတ်တေ နိုင်ငံရေးအင်အားစုတိ လူမျိုးတိ လူ့ အဖွဲ့ အစည်းတိ ဆုံမှတ်တခုမှာ အားလုံးပေါင်းဆုံပနာ အများကောင်းကျိုးအတွက် ငြိမ်းချမ်းရေဘုံလောကတခုကို ထူထောင်လာနိုင်ကတ်ပါဖို့ လား။


အမှန်က အေနိန့် အေကာလထိ ဗမာနန့်  ဗမာမဟုတ်တေလူမျိုးပေါင်းစုံရို့ ကြားမှာ ဖြစ်နိန်ရရေ နိုင်ငံရေးပြဿနာစွာ ပြည်တွင်းစစ် ဆိုစွာထက် ယိုင်ကျေးမှုစစ်ပွဲ ပင် ဖြစ်ပါရေ။ နိုင်ငံရေးစနစ်ပြောင်း အစိုးရပြောင်း ဥပဒေချေတစ်ကြောင်းနှစ်ကြောင်း ပြန်ပနာပြောင်းရွီးလိုက်လို့  အားလုံးကျင်းလားဖို့  ရှင်းလားဖို့ ပြဿနာမဟုတ်ပါ။ တနိန်ရာမှာ ဆုံကတ်ပနာ စာချူပ်ချေတခုမှာ လက်မှတ်ထိုးလိုက်ကတ်လို့  ငြိမ်းချမ်းလားဖို့ ဆိုစွာရေ ဒဏ္ဍာရီဆန်လွန်းရေ စိတ်ကူးယိုင်မှုတခုရာ ဖြစ်နိန်ပါဖို့ ။


မတူကွဲပြားရေ သမိုင်းဖြတ်သန်းမှု ယိုင်ကျေးမှုနန့်  လူ့ အဖွဲ့ အစည်းတိ၏ အောက်ခြီမှာပါ တခုပိုင်လေ့ ဆက်စပ်စိလားလို့  မဖြစ်နိုင်ရေ ယိုင်ကျေးမှုပဋိပက္ခ ဖြစ်ခြင်းကြောင့် ဗမာနန့် ဗမာမဟုတ်တေ လူမျိုးတိကြားမှာ ခိုင်ခန့် ရေ သံယောဇိုင်နန့် ချိုင်ထားရေ အပြန်အလှန်နားလည် ယုံကြည်မှု တခုလေ့ မဟိစွာကို တွိလာရရေ။ ဥပမာ- တိုင်းရင်းသားဘာသာစကား တမျိုးမျိုးကို ပြောတတ်တေ ဗမာနိုင်ငံရေးဂေါင်းဆောင်ကို အေနိန့် ထက်ထိ မတွိမမြင်ဖူးပါ။ မတူရေလူမျိုးတိနန့်  ကွဲပြားရေယိုင်ကျေးမှုတိ တစုတည်းပေါင်းစပ်ပနာ စစ်မှန်ရေဖယ်ဒရယ်ပြည်ထောင်စု ထူထောင်လို့  လုံးဝမရနိုင်ခြင်းကြောင့် ဆိုဗီယက်ပြည်ထောင်စုနန့် ယူဂိုဆလားဗီးယားပြည်ထောင်စုရို့ ပြိုကွဲကျလားရခြင်းစွာ လူ့ သမိုင်း၏နိုင်ငံရေးသက်သီတိ ဖြစ်နိန်ရေ။


ဗမာ့ယိုင်ကျေးမှု ဗမာသမိုင်းဖြတ်သန်းမှု ဗမာ့အမြင် ဗမာခံစားချက်တိနန့် ပေါင်းစပ်ဖွဲ့ စည်းထူထောင်ထားရေ ဗမာစစ်တပ်က ဗမာမဟုတ်တေ လူမျိုးတိကို ထိုးစစ်ဆင်နိန်ရေပိုင် ဒေထိုးစစ်ကိုအရှိန်မြှင့်လားဖို့  နောက်ထပ်စစ်လက်နက်တိလားဝယ်နိန်စွာကို ကြည့်ကေ ဗမာတိရွီးချယ်ထားရေ နိုင်ငံရေးလမ်းကို ကြောင်းပနာ မြင်နိုင်ရေ။


တူညီရေတုံ့ ပြန်မှုနန့်  တန်ပြန်နိုင်ငံရေးအကျိုးသက်ရောက်မှုတခုကို ဖန်တီးပနာ တတိုင်းပြည်လုံးအတိုင်းအတာနန့်  စစ်မျက်နှာပေါင်းစုံက ဗမာစစ်တပ်ကို ထိုးစစ်ပြန်ဆင်လိုက်ခြင်းကရာ ဒေနှစ်ပေါင်းခြောက်ဆယ်ကျော်ယိုင်ကျေးမှုစစ်ပွဲကြီးကို အဆုံးသတ်နိုင်ဖို့  အဖြေတခုလို့  ယူဆမိလိုက်ပါယင့်။ ။ ။



ခိုင်အောင်အောင်
မေလ ၉ ရက် ၂၀၁၅ ခုနှစ်

Thursday, November 6, 2014

လက်နက်ကိုင်တော်လှန်ရီး အောင်မြင်ရခြင်း၏လျှို့ ဝှက်ချက်

နိုင်ငံရီးသီအိုရီတိက
တော်လှန်လိုသူနန့် တော်လှန်ပြည်သူရို့ ထပ်တူကျကေ၊ တော်လှန်ရီးသမားနန့်  လူထုအားက ညီမျှလားကေ၊
နိုင်ငံရီးသမားနန့် နိုင်ငံရီးနိုးကြားသူရို့ စိတ်ချင်းဆက်ထားပနာ လွတ်လပ်လိုခြင်းကခိုင်ခန်
့လာကေ တော်လှန်ရီးကြီးအထမြောက်အောင်မြင်ရေ လို့ ထောက်ပြ ပြောဆိုကတ်တေ။ နိုင်ငံရီးသီအိုရီအရ
တော်လှန်ရီးဆင်နွဲဖို့ အတွက်လူမျိုးတစ်မျိုးလုံးညီညွတ်ရီးကို စာအုပ်စာတမ်းတိထက်မှာ
ဆော်သြတိုက်တွန်းချရွီးပြရစွာရေ လွယ်ကူကေလေ့ လက်တွိလူ့ ဘောင်ထဲမှာ လူတိအားလုံးတော်လှန်ရီးထဲမှာဝင်ပါကတ်ဖို
့ဆိုစွာက ခက်ခဲလွန်းဖို့ လို့ ထင်ရေ။ အဂုပိုင် သဘောတရား နန့် လက်တွိကွာဟချက်ကြောင့်
ဒေကမ္ဘာမြီထက်မှာ ဖြစ်ပေါ်ခရေ တော်လှန်ရီးတိထဲမှာ အောင်မြင်စွာတိ ဟိရေပိုင် မအောင်မြင်ခစွာတိလေ့
ဟိရေ။ ယင်းအတွက်နန့်  လက်နက်ကိုင်တော်လှန်ရီးတရပ် အောင်မြင်ရခြင်း၏လျှို့ ဝှက်ချက်ကိုသိဖို
့ အယင်ဆုံး တော်လှန်ရီး၏အနက်အဓိပ္ဗါယ်ကို အခြီခံကျကျ နားလည်ဖို့ လိုအပ်ပါလတ်တေ။



အစိုးရ
(၀ါ) နိုင်ငံရီးစနစ်ကို အအုပ်ချူပ်ခံလူထုက ဖြုတ်ချဖယ်ရှားခြင်းကို တော်လှန်ရီးလို့ 
အတိုကောက် အဓိပ္ဗါယ်ဖွင့်ဆိုနိုင်ပြီးကေ ကမ္ဘာ့နိုင်ငံရီးသမိုင်းမှာ တော်လှန်ရီးနှစ်မျိုးနှစ်စားဟိစွာကို
တွိရရေ။ ပထမတစ်မျိုးက လူမှုတော်လှန်ရီး (Social Revolution) လို့ ခေါ်ပြီးကေ ဒုတိယအမျိုးအစားကို
လွတ်လပ်ရီးစစ်ပွဲ (A war of independence) လို့ သတ်မှတ်ထားကတ်တေ။ခေတ်စနစ်ပြောင်းချင်လို
့ လူမှုစီးပွါးအခြေအနေတိတိုးတက်ချင်လို့  သူရို့ လူမျိုးအချင်းချင်း တော်လှန်ခကတ်တေ
ပြင်သစ်၊ ရုရှ၊ တရုတ်၊ မက္ကဆီကို၊ ကျူးဘား တော်လှန်ရီးတိစွာ လူမှုတော်လှန်ရီး အမျိုးအစားမှာ
ပါလားပြီးကေ ကိုလိုနီကျွန်ဘ၀ကလွတ်မြောက်ရီးနန့် ကိုလိုနီစနစ်ဖျက်သိမ်းရီးအတွက် လက်နက်ကိုင်တိုက်ပွဲဝင်ခ
ကတ်တေ တိုင်းပြည်နိုင်ငံလူမျိုးတိ၏တော်လှန်ရီးတိကို လွတ်လပ်ရီးစစ်ပွဲ လို့ အဓိပ္ဗါယ်ဖွင့်ထားကတ်တေ။

မျက်မှောက်ခေတ်မှာ
ဖြစ်ပွါးခရေ ဗမာပြည်က ရှစ်ဆယ့်ရှစ်ဒီမိုကရေစီလှုပ်ယှားမှု၊ ယူကရိန်းက လိမ္မော်ရောင်တော်လှန်ရီးနန်
့ အီဂျစ်ကအာရပ်နွီဦးတော်လှန်ရီးတိရေ လူမှုတော်လှန်ရီးတိ ဖြစ်ပြီးကေ မအောင်မြင်ခရေ
ပြောင်းလဲလိုမှုတိလို့ ပြောရပါဖို့ ။ မူလကုလသမဂ္ဂအဖွဲ့ ဝင် ၅၁ နိုင်ငံကနိန် ကိုလိုနီစနစ်ကိုဖျက်သိမ်းပြီးနောက်ပိုင်း
အဖွဲ့ ဝင်နိုင်ငံပေါင်း ၁၄၀ ကျော်တိုးလာစွာကို ကြည့်ကေ နယ်ချဲ့ ကိုလိုနီစနစ်ကိုဆန်
့ကျင်တော်လှန်ကတ်တေ လက်နက်ကိုင်လွတ်လပ်ရီးစစ်ပွဲတိစွာ အောင်မြင်ရေ တော်လှန်ရီးတိဖြစ်ကြောင်းကို
ကမ္ဘာ့သမိုင်းက သက်သီခံနိန်ပါရေ။

လက်နက်ကိုင်တော်လှန်ရီးတိအောင်မြင်ခြင်းစွာ
နိုင်ငံရီးအိုင်ဒီယိုလိုဂျီနန့် တိုက်ရိုက်ဆက်စပ်နိန်ရေ။ လူမှုတော်လှန်ရီးတိဖြစ်ပွါးစီရေ
အဓိကမောင်းနှင်အားက လူမှုစီးပွါးအခြေအနေတိ တိုးတက်ချင်ခြင်း နန့် အာဏာလိုချင်ခြင်း
ပင်ဖြစ်တေ။ ဥပမာ- ရှစ်ဆယ့်ရှစ်ဗမာဒီမိုကရေစီတော်လှန်ရီး ပေါ်ပေါက် လာရခြင်းရေ မဆလတစ်ပါတီအုပ်ချူပ်ရီးစနစ်အောက်မှာ
စီးပွါးရီးချွတ်ခြုံကျလားရပြီးကေ လူတိစွာ စီးပွါးရီးတိုးတက်မှုကို လိုချင်လာခြင်းကြောင့်ပင်
ဖြစ်တေ။ ဒေတော်လှန်ရီးကို ဦးဆောင်ရေလူတိက မဆလဗမာအုပ်ချူပ်ရီးစနစ်ကို ဖယ်ရှားပြီးကေ
ဗမာဒီမိုကရေစီအာဏာသစ်ကိုထူထောင်ချင်ရေ အတွက်နန့်  အေချင့်ရေ သက်ဦးဆံပိုင်ပဒေသရာဇ်ခေတ်က
နန်းတွင်းအာဏာလုပွဲနန့် လားတူနိန်ရေ။ အကျိုးစီးပွါး၊ တသီးပုဂ္ဂလ္လအတ္တနန့် လောဘရမက်ကို
အခြီပြုထားခြင်းကြောင့် ဒေလူမှုတော်လှန်ရီးတိက အောင်မြင်မှု နည်းရေ။ တဖက်မှာ လွတ်လပ်ရီးစစ်ပွဲအောင်မြင်ရရေ
အဓိကအကြောင်းရင်းက သွီးစစ်တေအမျိုးသားရီးဝါဒ ကြောင့်ပင် ဖြစ်တေ။ အမျိုးသားရီးဝါဒကို
အခြီခံထားရေ လွတ်လပ်ရီးတိုက်ပွဲက အချက်လေးချက်ကို တောင်းဆိုရေ။ ယိုင်ကျေးမှုအရ ဘိုးဘွားပိုင်သမိုင်းအမွီအနှစ်တိကို
ထိန်းသိမ်းစောင့်ရှောက်လားရီး နန့် အမျိုးသားလက္ခဏာအင်္ဂါရပ် (National identity) တိကို
ကာကွယ်လားရီး၊ အိုင်ဒီယိုလိုဂျီအရ သီးခြားလွတ်လပ်ပနာ တရားမျှတမျှမှုဟိရေ လူ့ ဘောင်ထူထောင်လားရီး၊
နိုင်ငံရီးအရ လူထုနန့်  တသားတည်းတထပ်တည်းကျရေ အုပ်ချူပ်ရီးစနစ်ကို ကျင့်သုံးလားရီးနန်
့ စီးပွါးရီးအရ သဘာဝအရင်း အမြစ်တိကို မူလပိုင်သျှင်ရို့ က အကျိုးခံစားခွင့်ရဟိရီး တိရေ
ကိုလိုနီစနစ်က လွတ်မြောက်ရီးအတွက် တော်လှန်ခြင်း၏အခြီခံအချက်တိပင်ဖြစ်တေ။ လူထုက သူရို
့၏မွီးရာပါ လူ့ ဂုဏ်သိက္ခာ၊ လူ့ တန်ဖိုးနန့်  ကိုယ်ရို့ ပိုင်ရေ အချူပ်အခြာအာဏာကို ကိုယ်တိုင်ရယူချင်ခြင်းကြောင့်
ကိုယ်ရို့ အနာဂတ်ကို ကိုယ်တိုင်ပြဌါန်းချင်ရေ ဂေါင်းဆောင်ရို့ ၏ဦးစီးမှုအောက်မှာ အမျိုးသားလွတ်မြောက်
တော်လှန်ရီးတိ အထမြောက်အောင်မြင်ကတ်တေ။

ကမ္ဘာ့တော်လှန်ရီးသမိုင်းမှာ
လက်နက်ကိုင်အင်အား လေးငါးထောင်လောက်က သိန်းချီရေ စစ်သားအင်အား ပါရေ အင်ပါယာတပ်မတော်တိကို
ခုခံတော်လှန်ဖြိုချနိုင်ခရေ သာဓကတိအများကြီးဟိရေ။ ဂရိသမိုင်းမှာ အင်အား ၃၀၀ ရာဟိရေ
စပါတာတော်လှန်ရီးသမားတိနန့်  အင်အားသိန်းချီပါရေ ပါရှန်တပ်မတော်ကြီးရို့  စစ်ပြိုင်ခကတ်တေ
သာမိုပိုင်လဲတိုက်ပွဲ (Battle of Thermopylae) စွာ ထင်ရှားရေ ဥပမာတခုဖြစ်တေ။ ရောမအင်ပါယာကြီး
ဘုန်းမီးနီလ ထွန်းတောက်တေအချိန်က ဥရောပတတိုက်လုံးကို သိမ်းပိုက်နိုင်ခကေလေ့ ဂျာမန်လူနည်းစုချေကို
တိုက်လို့ မနိုင်ခပါ။ တပ်သားဦးရေ ထောင်ဂဏာန်း လောက်ရာဟိရေ ဂျာမန်တော်လှန်ရီးအင်အားစုက
စစ်သားအင်အားသိန်းချီပါရေ ရောမအင်ပါယာ တပ်မတော်ကြီးကို ခုခံတော်လှန်နိုင်ခရေ။ ၁၅၆၈
ခုနှစ်ကပင် ၁၆၄၈ ခုနှစ်ထိ နှစ်ပေါင်းရှစ်ဆယ်ကြာ ဖြစ်ပွါးခရေ စပိန်ကိုလိုနီကျွန်ဘ၀ကလွတ်မြောက်ဖို
့ တိုက်ပွဲဝင်ခကတ်တေ ဒတ်ခ်ျ့ လွတ်လပ်ရီးစစ်ပွဲ (Dutch War of Independence) မှာလေ့
ထောင်ဂဏာန်းလောက်ရာဟိရေ ဒတ်ခ်ျ့ တော်လှန်ရီးသမားတိက သိန်းချီရေ စပိန်အင်ပါယာတပ်မတော်ကြီးကို
တော်လှန်လို့ အောင်မြင်ခကတ်တေ။ ယင်းကာလက စပိန်ရေ ကမ္ဘာကြီးကိုလွှမ်းမိုးချူပ်ကိုင်ထားလို
့ စပိန်ရာစုလို့  တင်စားခေါ်ဝေါ်ခကတ်တေ။ အင်္ဂလိပ်နီမ၀င် အင်ပါယာကြီး ဘုန်းမီးအတောက်ဆုံးအချိန်ကာလက
၁၉၁၉ ကနိန့်  ၁၉၂၁ ခုနှစ်ထိ ဖြစ်ခရေ အိုင်းရေးခ်ျလွတ်လပ်ရီးစစ်ပွဲ (Irish War of
Independence) ကာလမှာလေ့ စစ်သားအင်အားနည်းရေ အိုင်းရေးခ်ျတော်လှန်ရီးဂေါင်းဆောင်တိက
ပြောက်ကျားစစ်ဆင်ရီးကို အသုံးပြုပနာ အင်္ဂလိပ်ကို တော်လှန်အောင်မြင်ခကတ်ပြီးကေ ၁၉၂၂ ခုနှစ်မှာ
သီးခြားလွတ်လပ်တေ အိုင်ယာလန်နိုင်ငံသစ်ကို ထူထောင်နိုင်ခရေ။

အဂုပိုင်
အင်အားနည်းကေလေ့ ကိုယ်ရို့ ထက်အဆမတန်အင်အားများရေ ပြိုင်ဖက်တိကို တော်လှန်အောင်မြင်ရခြင်း၏လျှို
့ဝှက်ချက်က တူညီရေစိတ်ဓါတ်နန့် ဘုံဝါဒ ဟိခြင်းကြောင့်ပင် ဖြစ်တေ။ ပန်းတိုင်တခုတည်းကို
လက်နက်ကိုင်လမ်းစိုင်တခုတည်းနန့် လားခြင်းကြောင့် ယုံကြည်ချက်တိနန့် သွီးစည်း ခိုင်မာပနာ
ရည်မှန်းချက်ပြည့်ဝလာစွာ ဖြစ်ပါရေ။ တဖက်မှာ အင်အားကြီးရေ တိုင်းပြည်နိုင်ငံအင်ပါယာတိက
လူတိစွာ ဥစ္စာဓနတပုံတပင်ကြီးရပနာ ကြွယ်ဝချမ်းသာလာစွာနန့် အမျှ တူညီရေအုပ်စုစိတ်ဓါတ်နန်
့ဘုံဝါဒတိ လျော့ကျနည်းပါးလားပြီးကေ တကိုယ်ကောင်းဆန်ခြင်း နန့် ကိုယ်ကျိုးရှာခြင်းကိုရာ
ဦးစားပီးလာကတ်တေ။ အမျိုးသားရီးဝါဒထက် တသီးပုဂ္ဂလ္လကောင်းစားရီးကို ဇောင်းပီးလားခြင်းကြောင့်
ဘ၀ကိုစွန့် အသီခံဝံ့ခါမှ အောင်မြင်တတ်တေ တော်လှန်ရီးတိုက်ပွဲမှာဝင်ပါဖို့ ရှောင်ရှားလာကတ်တေ
အကျိုးဆက်ကြောင့် နောက်ဆုံးမှာ ဒူးထောက်အညံ့ခံအရှုံးပီးရရေ အဆင့်ကိုရောက်လားခရရေ။

ခေတ်သစ်ကမ္ဘာ့နိုင်ငံရီးသမိုင်းမှာ
ဆိုဗီယက်ယူနီယံကြီး ပြိုကွဲကျလားရေပိုင်၊ ယူဂိုဆလားဗီးယားပြည်ထောင် စုကြီးလေ့ တစစီကွဲပြဲလားခရရေပိုင်၊
အဂုနောက်ဆုံး ယူကရိန်းပြည်ထောင်စုကြီးလေ့ နိဂုံးချူပ်နီဝင်ချိန်ကို ရောက်ပါလတ်ခြင်းတိကိုကြည့်ကေ
အတက်အကျ လောကဓံလှိုင်းထက်မှာ သမိုင်းက သံသရာလည် တတ်တေ သဘောသဘာဝ (The cyclical
notion of history) ဟိကြောင်းကို ထုတ်ဖော်ပြသနိန်ပနာ လူအင်အားနည်းကေလေ့ အင်ပါယာတိကို
ဖြိုချနိုင်ပြီးကေ လက်နက်ကိုင်တော်လှန်ရီးအောင်မြင်အောင် ဆင်နွဲနိုင်ခြင်း၏လျှို့ ဝှက်ချက်ကိုလေ့
ထုတ်ဖော်ပြသပီးနိန်ပါရေ။



ခိုင်အောင်အောင်
၃၊၁၀၊၂၀၁၄
  




Thursday, October 16, 2014

ရခိုင်နိုင်ငံရီးသမိုင်း၏ပကတိအမှန်တရား

၁၇၈၄ ခုနှစ်မှာ ဘိုးတော်မောင်ဝိုင်းဦးဆောင်ရေ ဗမာပဒေသရာဇ်တပ်တိက ရခိုင်ပြည်ကို ကျူးကျော်နယ်ချဲ့  ၀င်မသိမ်းခကေ မျက်မှောက်ခေတ်ကာလရခိုင်ပြည်စွာ အာသျှတိုက်မှာ ခေတ်အမှီဆုံး အဖွံ့ ဖြိုးဆုံး နန့် တိုးတက်မှု အမြင့်ဆုံးတိုင်းပြည်တစ်ပြည်ဖြစ်လို့ ဟိနိန်လီပါဖို့ ။ ဘင်္ဂလားပင်လယ်ပြင်နန့်  အိန္ဒိယသမုဒ္ဒရာကိုတောင် လွှမ်းမိုးထားနိုင်ခရေ ရခိုင့်ဘုရင့်ရီတပ်မတော်ကြီးမှာ ဂျပန်တိကိုတောင် လုပ်သားခန့် ထားခစွာကိုကြည့်ကေ ရခိုင်ရို့ စစ်အင်အားနန့် ကမ္ဘာကြီးမှာ စံဝင်ခရေအနိန်အထားကို ခန့် မှန်းကြည့်လို့ ရနိုင်ပါရေ။ အနောက်ဥရောပဒေသက အတိုးတက်ဆုံးတိုင်းပြည်တစ်ပြည်ဖြစ်တေ နယ်သာလန်နန့်  နှစ်ပေါင်း ၇၅ နှစ်တိုင်တိုင် အပြန်အလှန်စီးပွါးရီးကူးသန်းရောင်းဝယ်ရီးတိ လုပ်ခကတ်စွာတိကို တိုင်းတာကြည့်ကေ ရခိုင်ရို့ ရေ စီးပွါးရီးရာမှာလေ့ ကမ္ဘာကြီး၏ရှိမျက်နှာစာမှာ ရောက်နိန်ခကြောင်းကို ထောက်ပြနိန်ပါရေ။
တချို့ ရခိုင်သမိုင်းကို ရှုဒေါင့်အမြင်အမျိုးမျိုးတိနန့် အဓိပ္ဗါယ်ပြန်ကတ်တေလူတိက “၁၇၈၄ ခုနှစ် မတိုင်ခင်ကပင် ရခိုင်ပြည်မှာ အမျိုးသားစည်းလုံးညီညွတ်ရီးနန့် နိုင်ငံရီးအုပ်ချူပ်ရီးတိ ယိုယွင်းပျက်စီးနိန်ဗျာယ်” လို့  ထောက်ပြပြောဆိုကတ်တေ။ ယေပြီးကေ ဆက်ပနာကောက်ချက်ချကတ်စွာက အေပိုင် မညီညွတ်မှုကြောင့် ဗမာရို့ ၏သိမ်းပိုက်ခြင်းကိုခံခရပြီးကေ ရခိုင်ရို့ အချူပ်အခြာအာဏာကျဆုံးလားရခြင်းရေ ရခိုင်သားမှာ အဓိကတာဝန်ဟိရေ ရခိုင်သားတိရာ သမိုင်းတရားခံဖြစ်တေလို့  လက်ညှိုးထိုးအပြစ်တင်ဝေဖန်ခြင်းတိကို တွိလာရရေ။ အေချင့်ရေ ရခိုင်နိုင်ငံရီးသမိုင်း၏ပကတိအမှန်တရားကို မျက်ကွယ်ပြုပနာ အဓိပ္ဗါယ်ဖွင့်ဆိုချက်အမှားနန့်  တရားခံအစစ်ဖြစ်တေ ဗမာကို ပန်းကုံးစွပ်ဂုဏ်ပြုဖို့ ကြိုးစားခြင်းပင် ဖြစ်တေ။
ကမ္ဘာ့နိုင်ငံရီးသမိုင်းနန့် လူ့ အဖွဲ့ အစည်းတိပြောင်းလဲလာမှုတိကို လေ့လာကြည့်လိုက်ကေ တိုင်းပြည်နိုင်ငံတိုင်းမှာ ပြည်တွင်းပြဿနာ အုပ်စုအားပြိုင်မှုနန့်  ၀ိဝါဒကွဲပြားမှုဆိုစွာ ဟိကတ်တေ။ ဥပမာ- ၁၆၄၉ ခုနှစ်မှာ အင်္ဂလန်ပြည်တွင်းစစ်ဖြစ်ပွါးခပြီးကေ ချားလ်စ် တစ် (Charles I) ဘုရင်ကို လူထုတရားစီရင်ရီးနန့် ဂေါင်းဖြတ်သတ်ပစ်လိုက်ကတ်တေ။ ယင်းချင့်နောက်ပိုင်း အိုလီဗာ ခရုမ်းဝဲလ် (Oliver Cromwell) ဦးဆောင်မှုအောက်မှာ ပါလီမန်အာဏာသျှင်စနစ်ပေါ်လာပြီးကေ နိုင်ငံရီးပဋိပက္ခက ရှည်လားခပနာ နောက်ဆုံး ၁၆၈၈-၁၆၈၉ မှာဖြစ်ပေါ်ခရေ ဂလိုရီးယာ့စ်တော်လှန်ရီး (The Glorious Revolution) နန့် အဆုံးသတ်လားခရေ။ ပြင်သစ်မှာလေ့ ယင်းပိုင်ဗျာယ်။ ၁၇၉၃ ခုနှစ် ဂျန်န၀ါရီလ ၂၁ ရက်နိန့် မှာ လူဝီ ၁၆ ဘုရင်ကို ဂေါင်းဖြတ်မသတ်တေ စစောပိုင်းချေကာလကပင် သက်ဦးဆံပိုင်ဘုရင်စနစ်ကို ဆန့် ကျင်ရေအုပ်စုနန့် ထောက်ခံရေ အုပ်စုက ရာစုနန့် ချီပနာ အားပြိုင်နိန်ခကတ်တေ။
အေချင့်တိကို နှိုင်းယှဉ်လေ့လာကြည့်ကေ မြောက်ဦးခေတ်နှောင်းပိုင်းမှာ ဖြစ်ခရေ ရခိုင်ရို့ ပြည်တွင်း နိုင်ငံရီးပဋိပက္ခစွာ အဆန်းမဟုတ် တသီးတခြားဖြစ်ရပ်မဟုတ်ပါ။ နိုင်ငံရီးဖြစ်စိုင်၏သဘောသဘာဝတခုရာ ဖြစ်ပါရေ။ ယေကေလေ့ အေနိန်ရာမှာ လက်ခံလို့ မရနိုင်ရေ ခွင့်မလွှတ်နိုင်ရေ သမိုင်းဖြစ်ရပ်တခုက ဗမာတိရေ ရခိုင်ပြည်ကို စစ်မကြေငြာပဲ နယ်ချဲ့ ကျူးကျော်ဝင်သိမ်းပနာ လူမဆန်ရေ စစ်ရာဇ၀တ်မှု (War crime) ကို ကျူးလွန်ခကတ်ခြင်းပင် ဖြစ်ပါရေ။ သိန်းချီရေ အပြစ်မဲ့ရခိုင်ပြည်သူလူထုကို ဗမာတိသတ်ဖြတ်ခကတ်ခြင်းရေ ကမ္ဘာမှာ ပထမဆုံးလို့ ပြောလို့ ရရေ လူမျိုးတစ်မျိုးလုံးကို အစုလိုက်အပြုံလိုက်သတ်ဖြတ်ခြင်း (Genocide) စစ်ရာဇ၀တ်မှုကို ဗမာက ကျူးလွန်ခခြင်းပင် ဖြစ်ပါရေ။ အေချင့်စွာ ၁၈၈၅ ခုနှစ်နန့်  ၁၉၀၈ ခုနှစ်ကြားကာလမှာ ဘယ်လဂျီယံနိုင်ငံ၏ဘုရင် လီယိုပိုးဒ် ၂ (Leopold II) ရေ ကွန်ဂိုလူမျိုး ၁၀ သန်းကို နှိပ်စက်သတ်ဖြတ်ခခြင်းနန့် လားတူနိန်ရေပိုင်၊ ၁၉၄၁ ခုနှစ်နန့်  ၁၉၄၅ ခုနှစ်ကြားကာလမှာ နာဇီဂျာမန်တိက ဂျူးလူမျိုး ၆ သန်းကို သတ်ဖြတ်ခကတ်တေ ဟိုလိုကော့ဇ် (The Holocaust) အဖြစ်အပျက်နန့် လေ့လားတူနိန်ပါရေ။
ရခိုင်သမိုင်းပညာသျှင် ဂျက်လိုင်ဒါ (Jacques P. Leider) က ဗမာပဒေသရာဇ်အဆက်ဆက်ရေ ရခိုင်ကို အမြဲတမ်းရန်သူအဖြစ်သတ်မှတ်ထားခပနာ ရခိုင်ပြည်ကိုဝင်သိမ်းဖို့  အချိန်တိုင်းကြံစည်နိန်ခကြောင်းကို သမိုင်းမှတ်တမ်းမှတ်ရာတိနန့် ထောက်ပြပြောဆိုပြီးကေ ၁၇၈၄ ခုနှစ်မှာ ရခိုင်ပြည်ကို ၀င်မသိမ်းခင် ၃ နှစ်အယင်ကပင် ဗမာတိစွာ လူသူလက်နက်စုဆောင်းပနာ အဆင်သင့်စောင့်နိန်ခကတ်ကြောင်းကို သူ၏သမိုင်းသုတေသနစာတမ်းတစ်စောင်မှာ ရွီးထားပါရေ။ အေချင့်ကိုကြည့်ကေ ဗမာရေ ရခိုင်ကို တမင်တကာအကွက်ကျကျစီစိုင်ပြီးကေ နယ်ချဲ့ ကျူးကျော်ဝင်ရောက်သတ်ဖြတ်ပနာ လူမဆန်ရေ စစ်ရာဇ၀တ်မှုကိုကျူးလွန်ခကတ်ကြောင်း ပေါ်လွင်ထင်ရှားနိန်ပါရေ။
တရားမျှတမှုကိုတန်ဖိုးထားရေ ဇာလူသားမဆို အမှန်တရားကိုမြတ်နိုးရေ ဇာသူပင်ဖြစ်ဖြစ် လူ့ အခြီခံဆင်ခြင်တုံတရားနန့် ကိုယ်ကျင့်သီလဟိရေ လူတိုင်းက လူမျိုးတုံးသတ်ဖြတ်မှုကို ကျူးလွန်ခရေ ဗမာပဒေသရာဇ်သောင်းကျန်းသူ လူသတ်သမားတိ (Burmese brutal marauders) ကို ရှုတ်ချသင့်ရေပိုင် မျက်မှောက်ကာလမှာလေ့ ရခိုင်ပြည်နန့် ရခိုင်လူမျိုးကို ဗမာပြည်တွင်းကိုလိုနီစနစ်နန့်  စနစ်တကျဂုတ်သွီးစုပ်လူရုပ်မပေါက်အောင် နှိပ်စက်အုပ်ချူပ်နိန်ခြင်းကို ဆန့် ကျင်သင့်ရေ။ လူ့ ယိုင်ကျေးမှုမြင့်ပါလတ်တေ ကမ္ဘာ့ရွာမှာ လူသားရို့ ၏မွီးရာပါတာဝန်ဝတ္တရားဖြစ်တေ တရားမျှတမှု တန်းတူရီးနန့် ငြိမ်းချမ်းရီးကို ထိန်းသိမ်းဖော်ဆောင်လားဖို့  မတရားမှု အဓမ္မစနစ်နန့် တောရိုင်းဝါဒတိကို ရင်ဆိုင်တိုက်ထုတ်အမြစ်ပြုတ်အောင်လုပ်လားဖို့ လိုအပ်တေ။
မြင့်တခါ နိမ့်တလှည့် သင်္ခါရသဘောနန့် ပြည့်နိန်ရေ သမိုင်းရီစီးကြောင်းထက်မှာ ကမ္ဘာတခြမ်းကိုလွှမ်းမိုးထားခရေ ရောမအင်ပါယာကြီးနိဂုံးချူပ်လားခရရေပိုင်၊ အင်္ဂလိပ်နီမ၀င်အင်ပါယာကြီးလေ့ နီဝင်လားခရရေပိုင် စစ်တပ်ဗဟိုပြုဗမာအင်ပါယာနန့်  ဗမာကိုလိုနီမူဝါဒဖြစ်တေ “တို့ တာဝန်အရေးသုံးပါး” လေ့ ဒေရာစုမှာ အနိစ္စသဘောနန့် ကိစ္စရှောလားဖို့ စွာကို ကြိုမြင်နိန်မိပါကြောင်း ပြောချင်ပါရေ။
ခိုင်အောင်အောင်
၁၆၊၁၀၊၁၂၀၁၄

Popular Posts

Recent Posts

Unordered List

Text Widget

Ads 200x200

Ads 200x200
Mrauk-U View

Contact Us

Name

Email *

Message *

Flickr Images

ရခိုင်စာလှုပ်ရှားမှုအတွက် စိတ်အဟာရ အတွေးအမြင်လမ်းစနန့်  အသိခွန်အားတိ ပီးရေနိန်ရာ

About me

Feature (Side)

top social

Powered by Blogger.

top navigation

Navigation-Menus (Do Not Edit Here!)

Pages - Menu

Popular Posts

Followers

Popular Posts

Featured Posts